"Býtýn Qyrǵyzstan" jaqtastary narazylyq sharasyn uıymdastyrýda
ASTANA. Qazannyń 15-i. QazAqparat - Saılaý qorytyndysy syn kótermeıdi. Qyrǵyzstandaǵy parlament saılaýynda jeńilis tapqan partııalar osyndaı ýáj aıtýda. Olar Ortalyq saılaý komıssııasy naýqan nátıjesin burmalady dep aıyptap, qaıtadan saıası shara ótkizýdi talap etýde, dep habarlaıdy BAQ.
Osh oblysy men oǵan jaqyn aımaqtardan maza ketti. Parlament saılaýynyń nátıjesinde 6-shy orynǵa turaqtap, 5 paıyzdaı daýys jınaǵan "Býtýn Qyrǵyzstan" partııasynyń jaqtastary oblys aýmaǵynda narazylyq sharalaryn uıymdastyrýda. Jınalǵan top partııa basshysy Adahan Madýmarovtyń "zańbuzýshylyqqa barmaıyq" degen sózine de qulaq asar emes. Saılaýdyń aldyn ala qorytyndysy shyǵysymen naýqanda jeńiske jetý úshin qajetti 5 paıyzdyq kórsetkishke ıe bolmaǵan 24 partııa Qyrǵyzstan Ortalyq saılaý komıssııasyna shúılikken. Parlament saılaýynyń tolyq nátıjesi aldaǵy aptada belgili bolmaq. Alaıda narazy top «kelesi aptany kútpeımiz» dep málimdedi. Erteń eldiń taǵy birneshe óńirinde narazylyq sharalary uıymdastyrylmaq.
