Býterbrod ustaǵan mysyq Astanadaǵy jańa mýraldyń keıipkerine aınaldy
ASTANA. KAZINFORM — Astananyń Baıqońyr aýdanynda mysyqtyń beınesi kórinis tapqan taǵy bir jańa mýral paıda boldy, dep habarlaıdy elorda ákimdiginiń resmı saıty.
Jańa strıt-art nysany Taha Hýseın kóshesi, 2/1 mekenjaıyndaǵy turǵyn úıdiń qasbetine salynǵan.
Sýrette qolyna býterbrod ustap, toq ári kóńildi otyrǵan mysyq beınelengen. Jyly áser syılaıtyn súıkimdi art-nysan qala turǵyndary men qonaqtarynyń nazaryn birden baýrady.
Búginde mýraldar qala kelbetine erekshe sán berip, turǵyndar men qonaqtardyń nazaryn ózine aýdarady.
Taha Hýseın kóshesindegi jańa art-nysan aýdan aýmaǵyndaǵy mýraldar qataryn tolyqtyryp, onyń mazmuny men ózindik dızaınymen erekshelenip otyr.
Osydan buryn Astanadaǵy turǵyn úı kesheniniń qasbetine «Tańsári» mýraly salynǵanyn jazǵanbyz.
