Býtanda korol eldiń eń sulý qyzyna úılendi
ASTANA. 14 qazan. QazAqparat - Býtanda 31 jastaǵy bıleýshi Djıgme Khesar Namgıal Vangchýk eldiń eń sulý qyzy - 21 jastaǵy Djetsýn Pemaǵa úılendi.
«Komsomolskaıa pravda» basylymy jazǵandaı, Djetsýn Pema qarapaıym otbasynan shyqqan, ákesi ushqysh. D.Pema Londonda «halyqaralyq qatynastar» mamandyǵy boıynsha bilim alady, birneshe tilde sóıleıdi jáne basketbol oınaıdy.
Úılený salty 17 ǵasyrdyń monastyrynda, býdda mádenıetiniń barlyq ejelgi dástúrlerine sáıkes ótti. Toıdy jastarmen birge Býtannyń 700 myń turǵyny toılaýda: úsh kúndik saltanat eldiń barlyq qalalarynda bımen, karnavalmen atalyp ótedi. Degenmen saltanatqa dúnıejúzinen 1,5 myń resmı qonaq keledi.
