Business Integrity Forum: pandemııadan keıingi álemdegi kásipkerliktiń damýy
Forýmnyń jumysyna QR Prezıdentiniń ekonomıkalyq damý máseleleri jónindegi shtattan tys keńesshisi S.Chakrabartı, «Astana» HQO basqarýshysy, QR Strategııalyq josparlaý jəne reformalar agenttiginiń Tóraǵasy Q.Kelimbetov, QR Sybaılas jemqorlyqqa qarsy is-qımyl agenttiginiń tóraǵasy A.Shpekbaev, Kásipkerlerdiń quqyqtaryn qorǵaý jónindegi ýákil R.Júrsinov, otandyq jáne sheteldik bıznes, dıplomatııalyq korpýs, halyqaralyq uıymdardyń ókilderi, sondaı-aq salalyq memlekettik organdar basshylyǵy qatysty.
Forýmda, Prezıdenttiń keńesshisi Chakrabartı men «Astana» HFO basqarýshysy Qaırat Kelimbetov quttyqtaý sóz sóıledi.
Qaırat Kelimbetov Forýmǵa qatysýshylardyń nazaryn «Astana» HQO Elbasynyń bastamasymen «Bes ınstıtýtsıonaldyq reformany» iske asyrý aıasynda qurylǵanyna aýdardy.
Onyń aıtýynsha, osy bes reformanyń úsheýi bıznesti damytýmen baılanysty boldy.
Sýma Chakrabartıdiń pikirinshe, sybaılas jemqorlyq, eń aldymen, eldiń bedeline úlken zııan keltiredi. Sondaı-aq, sybaılas jemqorlyq salyq salý, bilim berý jáne densaýlyq saqtaý júıesiniń buzylýyna, adam kapıtalynyń tómendeýine ákeledi, quqyq ústemdiginiń negizine, ınvestıtsııalardy azaıtady.
Osyǵan baılanysty ol sybaılas jemqorlyqqa qarsy kúres úshin barlyq quraldardy paıdalaný qajettigin atap ótti.
Óz kezeginde Sybaılas jemqorlyqqa qarsy qyzmet basshysy A.Shpekbaev sybaılas jemqorlyq qysymynan bıznesti qorǵaý sharalary týraly aıtyp berdi. Aldyn alý sharalaryna, sonyń ishinde ınvestorlardy sybaılas jemqorlyqqa qarsy súıemeldeý jobasyna, komplaens qyzmetteriniń jumysyna, memlekettik qyzmetterdi elektrondyq formatqa kóshirýge jáne zańnamalyq ózgeristerge erekshe nazar aýdardy.
Sheteldik jáne otandyq ınvestorlardyń quqyqtary men múddelerin qorǵaý Agenttiktiń basty basymdyqtarynyń biri bolyp tabylady.
Atap aıtqanda, Agenttik «Atameken» UKP-men birlesip 2018 jyldan bastap kásipkerlik sýbektileri tap bolatyn barlyq protsesterdi sybaılas jemqorlyqqa qarsy súıemeldeýge arnalǵan «Protecting business and investments» jobasyn iske asyrýda.
«Búginde Agenttik jalpy somasy 38 mlrd. AQSh dollaryn quraıtyn 650-den astam ınvestıtsııalyq jáne bıznes-jobalardy sybaılas jemqorlyqqa qarsy súıemeldeıdi. Investıtsııasynyń jalpy somasy 20,9 mlrd. AQSh dollaryn quraıtyn ár besinshi jobada sheteldik qatysý bar», - dedi A.Shpekbaev.
A.Shpekbaevtyń aıtýynsha, bıznes-qurylymdardyń sybaılas jemqorlyqqa qarsy saıasatty belsendi paıdalanýy - Agenttik qyzmetiniń taǵy bir mańyzdy baǵyty bolyp sanalady. Ol bıznesti júrgizý kezinde parasattylyqtyń myzǵymas standartqa aınalýy tıis ekenin atap ótti.
Bul máselede, onyń pikirinshe, halyqaralyq deńgeıdegi korporatıvtik sektorda keńinen damyǵan komplaens-qyzmetterdi qoldaný tájirıbesi mańyzdy. Búgingi tańda komplaens qurylymdary «Samuryq-Qazyna» qorynda jáne onyń quramyna kiretin 12 kompanııada jumys isteıdi. Sonymen qatar, komplaens-qyzmetterdi qurý boıynsha jumys Qazaqstannyń iri jeke kompanııalary tarapynan qoldaý tapty.
A.Shpekbaev atap ótkendeı, Agenttik jumysynyń kelesi baǵyty – bıznesti júrgizýge kedergi keltiretin laýazymdy tulǵalarǵa qatysty qylmystyq qýdalaý sharalaryn iske asyrý.
«Qabyldanyp jatqan júıeli jáne keshendi sharalardyń nátıjesinde sybaılas jemqorlyq qylmystarynyń sany jyl saıyn turaqty túrde tómendep keledi. Atap aıtqanda, 3 jyl ishinde 11%-ǵa tómendedi. Myńnan astam kásipkerdiń quqyqtary men múddeleri olardyń qyzmetine zańsyz aralasýdan qorǵaldy», – dedi óz sózinde Agenttik Tóraǵasy.
CEO Freedom Finance Holding Tımýr Týrlov, «Magnum cash&carry» JShS Basqarma Tóraǵasy Azamat Osmanov, sondaı-aq birqatar otandyq jáne sheteldik kompanııalardyń ókilderi bıznestiń ózekti problemalary men olardy sheshý múmkindikteri týraly pikirlerin bildirdi.
Sondaı-aq forým alańynda Koreıa, Iordanııa jáne Nıderlandy elshileri bıznes pen ınvestıtsııalardy qoldaý boıynsha óz tájirıbelerin tanystyrdy. Iordanııalyq dıplomat ıÝsýf Abdelganı eki el arasyndaǵy erkin saýda aımaqtaryn qurý jáne dári-dármek pen kıim shyǵaratyn zaýyttar salý máselelerindegi yntymaqtastyqtyń múmkindikterine toqtaldy.
Qatysýshylar iskerlik ahýaldy jaqsartý keleshegin, memleket pen bıznes arasyndaǵy ózara qarym-qatynastardy transformatsııalaýdy, sondaı-aq pandemııadan keıingi daǵdarysty birlesip eńserý sharalaryn talqylady.
Forým jumysynyń qorytyndysy boıynsha bıznes-qoǵamdastyq ókilderiniń barlyq eskertýleri men usynystary odan ári pysyqtaý úshin Úkimetke jiberiletin bolady.