Burysh ballonynan zardap shekken almatylyq oqýshylardyń jaǵdaıy belgili boldy

ALMATY. QazAqparat – Almaty qoǵamdyq densaýlyq saqtaý basqarmasy № 96 mektepte burysh ballonynan zardap shekken balalardyń jaǵdaıyna qatysty pikir bildirdi, dep habarlaıdy QazAqparat tilshisi.

Densaýlyq saqtaý basqarmasynyń málimetinshe, Balalar shuǵyl medıtsınalyq kómek kórsetý ortalyǵyna úsh bala jatqyzyldy.

«Úsheýiniń de jaǵdaıy ortasha qalypty. Barlyq qajet medıtsınalyq kómek kórsetilip jatyr»,- dep habarlady basqarmanyń baspasóz qyzmeti.

Buǵan deıin №96 jalpyǵa bilim beretin mekteptiń 9-shy synyp oqýshysy, qońyraý ýaqytynda dárethanada ballonnan burysh shashyp, sonyń saldarynan janynda turǵan 7 oqýshynyń zardap shekkeni týraly jazǵan bolatynbyz.