Burynǵylar eti seniki, súıegi meniki deıtin - Jambyl Ahmetbekov muǵalim mártebesi jaıly
Astanada ótken «Qazaqstan-2050» Demokratııalyq kúshterdiń jalpyulttyq koalıtsııasynyń otyrysynda Jambyl Ahmetbekov Joldaýdaǵy mindetterdi iske asyrý kerektigin aıtyp ótti.
«Memlekettik qyzmetshiler, quqyq qorǵaý organdarynyń qyzmetkerleri halyqtyń ókili bolǵannan keıin halyq pen bıliktiń arasyn jaqyndatatyn dáneker bolýy kerek dep sanaımyz. ıAǵnı, memlekettik qyzmetshiler halyqqa qyzmet etýshi retinde osy oıdy boılaryna sińirýi qajet», - deıdi Jambyl Ahmetbekov.
Qazaqstan Kommýnıstik halyq partııasynyń hatshysy óz sózinde atap ótkendeı, Joldaýda kórsetilgen mindetterdiń bári iske asyrylatyn bolsa, onda bizdiń qoǵamymyzda aıqyn ilgerileýshilik bolady.
«Men atap ótetin bir másele - muǵalimderdiń jaı-kúıi. Aıta ketsem artyq bolmas: keńes keziniń ózinde ata-analar balasyn oqýǵa bergen kezde «eti seniki, súıegi meniki» dep aıtatyn. Qatty aıtylsa da, sol sózde shyndyq bar. Al qazirgi kezdegi bala men muǵalimniń, muǵalim men ata-ananyń qarym-qatynasy kúrt ózgerip ketti. Munyń barlyǵy muǵalimniń mártebesiniń joǵalýyna ákep soqtyrdy. Sondyqtan, muǵalimniń mártebesin kóterý bastamasyn biz quptap otyrmyz. Muǵalimderdi óz mindetine sáıkes kelmeıtin isterden, esep-qısaptan aryltatyn bolsa, onyń mártebesi ájeptáýir kóteriledi», - dedi ol.
Onyń aıtýynsha, halyqty sportqa tartý úshin 100 sporttyq-saýyqtyrý keshenin salý - óte oıly bastama.
«Qanshama kezdesýler men jıyndar ótkizsek te medıtsına salasynda ózekti máseleleler retine kele qoıǵan joq. Dárigerlerdiń mártebesi de máz emes. Sondyqtan, ýchaskelik medıtsınalyq qyzmetkerlerdiń jalaqysyn 20 paıyzǵa kóterý degen aıtýly bastamalardyń biri dep oılaımyz», - dep túıdi Jambyl Ahmetbekov.
Eske sala ketsek, Memleket basshysy Nursultan Nazarbaev Qazaqstan halqyna Joldaýynda 2019 jyly Qazaqstanda «Pedagogtardyń mártebesi» týraly Zań qabyldaý kerektigin aıtqan edi.
Foto: kokshetau.asia
