Burynǵy vıtse-mınıstr Shkarýpanyń qamaýdan bosatý týraly ótinishi qanaǵattandyrylmady
Anatolıı Shkarýpanyń qorǵaýshysy tergeý ızolıatorynan bosatý jáne isti Nur-Sultan qalalyq sotyna berý týraly ótinishpen júgingen. Óıtkeni Saran qalasyna jylý eseptegish qondyrǵylaryn ornatý boıynsha qarajat respýblıkalyq bıýdjetten bólingen. Burynǵy energetıka vıtse-mınıstriniń ýaqytsha ustaý ızolıatorynda otyrǵanyna bir jyldan asty.
Alaıda oblystyq sot alqasy onyń barlyq ótinishterin qabyldamady. Qaraǵandy oblystyq sotynyń baspasóz qyzmetinen habarlaǵandaı, Shkarýpany qamaýda ustaý merzimi buzylmaǵan.
«Ustaý merzimderi kúdikti qamaýǵa alynǵan sátten bastap tergeý amaldarynyń aıaqtalǵanyna, is materıaldarymen tanysý quqyǵy túsindirilgenge deıin esepteledi. Kúdiktiniń ózi jáne onyń qorǵaýshysynyń qylmystyq istiń materıaldarymen tanysqan kezde ustalǵany QPK 151-babynyń birinshi jáne tórtinshi bólikteri boıynsha belgilengen merzimge kirmeıdi. Biraq sot úkim shyǵarǵan kezde ol merzimdi báribir eskeredi», - dep habarlaıdy oblystyq sottyń baspasóz qyzmetinen.
Sottyń málimetinshe, Anatolıı Shkarýpaǵa qatysty qylmystyq is sotqa 2019 jyldyń 6 qarashasynda túsken. Osy sátten bastap sottalýshylar sotta tizimdeledi. Shkarýpany qamaýǵa alý merzimi aıaqtalǵan joq.
Sondaı-aq, oblys ákiminiń burynǵy orynbasarynyń isti elordadaǵy sotqa berý týraly ekinshi ótinishi de qanaǵattandyrylmady.
«Qylmystyq protsessýaldyq kodekstiń 314-baby 2,3-tarmaǵynyń talaptaryna sáıkes, eger qylmystyq quqyq buzýshylyq bir sottyń qyzmet ornynda bastalyp, basqa sottyń áreket etý ornynda aıaqtalsa, is tergeý aıaqtalǵan jerde qaralýǵa jatady. Tergeý aıaqtalǵan jer – aıyptaý úkimi shyǵarylǵan oryn. Aıyptaý úkimi Qazybek bı aýdandyq sotynyń qaraýyna jatatyn Qaraǵandy qalasyndaǵy Qaraǵandy oblysy prokýratýrasynyń arnaıy prokýratýrasy ǵımaratynda jasaldy. Sondyqtan qylmystyq is zańdy túrde atalǵan sotqa jiberilgen», - dep túsindirdi sotta.
Eske salaıyq, Qaraǵandy oblysyndaǵy Saran qalasynyń sotynda 15 qarashada Energetıka vıtse-mınıstri Anatolıı Shkarýpanyń,Turǵyn úı kommýnaldyq sharýashylyǵyny damytý qory basqarma tóraǵasynyń burynǵy mindetin atqarýshysy Qaısar Baıdaly men «Energo» JShS dırektory Erlan Nábıevtiń ústinen iri mólsherde qarajat jymqyrdy degen aıyp boıynsha sot tyńdaýy bastalǵan edi.