Burynǵy túrme basshylary uzaq merzimge sottaldy

NUR-SULTAN. QazAqparat - Jeke kásipkerden para alǵan Jambyl oblysy boıynsha QAJ JD-158/7 túzeý mekemesiniń basshysy men onyń orynbasary sottaldy, dep habarlaıdy QazAqparat.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń málimetinshe, 31 mamyr kúni Taraz qalalyq №2 sotynyń úkimimen mekeme basshysy para alǵany úshin kináli dep tanylǵan. Sot úkimine sáıkes ol memlekettik laýazymdy qyzmet atqarý quqyǵynan ómir boıyna aıyrylyp, 7 jyl 6 aı bas bostandyǵynan aıyrý jazasyna kesildi.

Sonymen qatar, «ádilet podpolkovnıgi» ataǵynan aıyryldy.

Al onyń orynbasary da «ádilet podpolkovnıgi» arnaıy ataǵynan, ómir boıy memlekettik laýazymdy qyzmet atqarý quqyǵynan aıyrylyp, jazasyn 7 jyl abaqtyda óteıtin bolady.