Burynǵy rektordy qamaý merzimi uzartyldy
ALMATY. QazAqparat – Almatyda Halyqaralyq aqparattyq tehnologııalar ýnıversıtetiniń burynǵy rektory Damır Shynybekovty qamaý merzimi 29 qarashaǵa deıin uzartyldy, dep habarlaıdy QazAqparat tilshisi.
«Damır Shynybekovty bultartpaý sharasy 29 qarashaǵa deıin uzartyldy», - dedi qalalyq sottyń baspasóz qyzmetinen.
Bunyń aldynda mamandandyrylǵan aýdanaralyq tergeý soty Damır Shynybekovty 5 aıǵa mamyrdan bastap qazan aıyna deıin qamaýǵa alý týraly sanktsııa shyǵarǵan bolatyn.
Burynǵy rektorǵa qarsy QR QK 189-babynyń 4-bólimimen qylmystyq is qozǵalǵan edi.
Damır Shynybekov ýnıversıtetke 2009 jyldan beri basshylyq jasaǵan.
2017 jyly ol qalalyq máslıhatqa depýtat bolyp saılanǵan bolatyn.
