Burynǵy mınıstrden 14 mlrd. dollar tárkilendi
ASTANA. QazAqparat - Qytaı bıligi eldiń burynǵy qoǵamdyq qaýipsizdik mınıstri Chjoý ıÝnkan men onyń otbasyna tıesili 14,5 mlrd. dollardy quraıtyn aktıvterdi tárkiledi. Saıasatkerdiń Qytaı tarıhyndaǵy eń úlken ári atyshýly jemqorlyq qylmysyna qatysy bar, dep jazady APA.
ıÝnkannan bólek bul daýǵa onyń týystary men seriktesteri, saıası jaqtastary men buryn ózi basshylyq etken CNPC munaı-gaz kompanııasy qyzmetkerleriniń, uzyn-sany 300-den astam adamnyń qatysy bar. Olardyń basym bóligi ótken jyldyń jeltoqsan aıynda qylmystyq is qozǵalǵan soń qamaýǵa alynyp, aıyptalýshy retinde jaýap berdi.
Agenttiktiń habarlaýynsha, 5,9 mlrd.dollary bar banktik shotqa tyıym salynyp, qytaılyq jáne halyqaralyq kompanııalardyń quny 8 mlrd.dollar turatyn qundy qaǵazdary tárkilengen. Sondaı-aq 300 jyljymaıtyn múlik, qundy tarıhı jádigerler men óner týyndylary, 60 kólik quraly, altyn jáne gaýhardan jasalǵan baǵaly buıymdar men sheteldik valıýtadaǵy qarjynyń barlyǵy da alyndy. Tergeýshiler olardyń qaısysy zańsyz jolmen kelgenin anyqtap, ony memleket qazynasyna qaıtarýy kerek. Jalpy, bul eldegi jemqorlyqqa qatysty eń úlken oqıǵa bolyp otyr. Qytaı úkimeti ázirge ıÝnkanǵa qatysty qylmystyq iske oraı resmı málimdeme jasaǵan joq. Qazir onyń ózimen jáne otbasy múshelerimen baılanysý múmkin bolmaı otyr. Sondaı-aq burynǵy mınıstrdiń qorǵaýshylary kim ekeni de belgisiz. Aıta keterligi, ıÝnkanǵa jemqorlyqqa qatysty aıyp ótken jyldyń jeltoqsan aıynda taǵyldy. Osyǵan qatysty qylmystyq is qozǵaý týraly ókimdi QHR tóraǵasy Sı Tszınpın bergen bolatyn. Úkimettiń bul áreketi jemqorlyqpen jáne paraqorlyqpen kúres jónindegi naýqan sheńberinde júzege asyrylyp jatyr.
