Burynǵy kúıeýi tirideı órtep jibergen Astananyń 25 jasar turǵyny aýrýhanada kóz jumdy
ASTANA. 12 maýsym. QazAqparat - Travmotologııa jáne ortopedııa ǵylymı-zertteý ınstıtýtynyń jan saqtaý bólimine «denesiniń 95 paıyzyn kúıik shalý» dıagnozymen jetkizilgen 25 jasar kelinshek kóz jumdy.
Bul týraly Astana qalalyq ІІD-niń baspasóz ortalyǵynyń taratqan habarlamasynda aıtylady.
Bolǵan oqıǵanyń mán-jaıyn tekserý barysynda polıtsııa qyzmetkerleri áıeldiń jubaıymen ajyrasyp, odan bólek turǵanyn anyqtady. Jubaıy qyzyn kórýge kelip turatyn. Osyndaı kelýlerdiń birinde aralarynda bolǵan ursystan keıin burynǵy jubaıy kenetten benzın quıylǵan ydysty alyp shyǵyp, ony áıeldiń ústine tógip jiberdi de, ot tutatty. Áıeldiń denesi órtene bastady. Úıinen shyqqan onyń týysy jalyndy sóndirýge tyrysty. Oqıǵa ornyna kelgen jedel járdem qyzmeti áıeldi aýrýhanaǵa jetkizdi.
Polıtseıler oqıǵanyń kinálisi, Astanada ýaqytsha turyp júrgen OQO-nyń 26 jasar týmasyn ustady.
Atalǵan fakti boıynsha QR QK-niń 103 babyndaǵy 3 bólimimen qylmystyq is qozǵaldy. Kúdikti azamat Astana qalalyq ІІD-niń ýaqytsha tergeý abaqtysyna qamaldy. Tergeý amaldary júrgizilýde.
