Burynǵy qazaqstandyq boksshy brıtandyqpen aıqastan keıin komaǵa tústi
ASTANA. QazAqparat - Londonda 34 jastaǵy Qazaqstan týmasy nemis boksshysy Edýard Gýtkneht brıtandyq Djordj Groývzben bolǵan jekpe-jekten keıin komaǵa túsken, dep habarlaıdy Gazeta.ru.
Gýtkneht aıqastan keıin kıim aýystyrý bólmesinde es-túsin joǵaltady. Medıtsına qyzmetkerleri jartylaı aýyr salmaqta bokstasatyn nemis sportshysynyń ishki múshelerine qan quıylǵanyn anyqtaǵan. Boksshy aýrýhanaǵa jetkizilip, shuǵyl ota jasaldy. Keıin jasandy komaǵa túsken, dep habarlaıdy L'Equipe. Groývzdan utylýy - nemis boksshysynyń karerasyndaǵy besinshi jeńilis. Edýard Gýtkneht Jetisaı qalasynda dúnıege kelgen, alaıda 11 jasynda otbasymen tarıhı otany sanalatyn Germanııaǵa kóshedi. 2005 jyly Golovkındi Chemie Pokal týrnırinde áýesqoılyq deńgeıde upaı sanymenjeńedi.
