Burynǵy qazaq-túrik lıtseılerine qabyldaý sharttary ózgerdi me
ALMATY. QazAqparat - «Bilim-ınnovatsııa» lıtseıleri dep atyn aýystyrǵan burynǵy qazaq-túrik mektepterine 6-shy synypty bitirgen oqýshylardy qabyldaý emtıhandary 30 sáýir kúni ótedi, dep habarlaıdy QazAqparat tilshisi «Bilim-ınnovatsııa» qorynyń prezıdenti Darhan Óteniń sózderine silteme jasaı otyryp.
Darhan Óte «QazAqparat» tilshisine bergen jaýabynda qazaq-túrik lıtseıleri «Bilim-ınnovatsııa» bolyp ataýy jańarǵanymen oqýshylardy qabyldaý emtıhandary burynǵysynan kóp ózgermegenin málim etti.
Onyń aıtýynsha, «Bilim-ınnovatsııa» negizinen júıeni jetildirýge baǵyttalmaq. «30 sáýir kúni oqýǵa qabyldaý emtıhandary bastalady. 21 mamyr kúni ekinshi kezeń bolady. Onda úzdik oqýshylar anyqtalady», - dedi Darhan Óte.
Lıtseıge túsý úshin oqýshylar matematıka, logıka, Qazaqstan tarıhy, qazaq tili syndy 4 pánnen emtıhan tapsyrady. Eki kezeńde de oqýshylar osy pánderden synaqtan ótpek. Biraq, ekinshi kezeńde birinshi kezeń qorytyndysy boıynsha joǵary ball jınaǵan úzdik oqýshylar iriktelip alynady. Birinshi týrda 60 suraqqa 100 mınýt beriledi. Ekinshi kezeńde 75 suraqqa 120 mınýt beriledi.
Darhan Óteniń aıtýynsha, byltyr 25 myń adam emtıhan tapsyryp, 1 863 oqýshy irikteýden ótken. ıAǵnı, 1 orynǵa 14 adam talasqan. Lıtseılerde sabaq qazaq jáne aǵylshyn tilderinde oqytylady. Munymen qatar, oqýshylarǵa «Máńgilik El» baǵdarlamasynyń negizi ıdeıalary túsindirilmek.
