Burynǵy qarjy polıtsııasynyń qyzmetkerleri endi pogonsyz bolady - Q. Qojamjarov
ASTANA. QazAqparat - Burynǵy qarjy polıtsııasynyń qyzmetkerleri endi pogonsyz bolady. Bul azamattar arasynda qyzmetkerlerge degen senimdi arttyra túspek.
Bul týraly búgin Májiliste QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov málim etti. Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik basqarý júıesin odan ári jetildirý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.
«Búgingi kúni halyq ta, bıznes te reformalanyp jatqan quqyq qorǵaý organdarynyń qurylymdaryn jaqsy qabyldaǵany biz úshin asa mańyzdy másele. Al osy turǵydan alǵanda bizdiń qyzmetkerlerimizde pogonnyń bolmaýy azamattar arasynda belgili bir deńgeıde senimdilikti arttyrady dep oılaımyn. Sondyqtan da, aıta keterlik basty jańalyqtyń biri - bizdiń qyzmetkerlerimiz endi pogon taqpaıtyn bolady, arnaıy aıyrym belgileri bar kıim formalaryn kımeıtin bolady», dedi Q. Qojamjarov.
Onyń aıtýynsha, buǵan qaramastan burynǵy qarjy polıtsııasynyń qyzmetkerleri úshin qoldanystaǵy áleýmettik, salyqtyq jeńildikter saqtalady.
