Burynǵy qaqpashy D.Lorııaǵa bereshegin tólemegeni úshin «Shahter» fýtbol klýbyna 100 myń teńge soma aıyppul salyndy
QARAǴANDY. Qazannyń 21-i. QazAqparat /Valentına Elızarova/ - Qazaqstan Fýtbol federatsııasy baqylaý-tártip komıtetiniń sheshimimen qaraǵandylyq «Shahter» fýtbol klýbyna 100 myń teńgeniń aıyppuly salyndy.
«Federatsııanyń Tártip reglamentiniń 58-shi babyna sáıkes, oıynshy Davıd Lorııanyń aldyndaǵy bereshegin óteýge qatysty baqylaý-tártip komıtetiniń sheshimin oryndamaǵany úshin «Shahter» fýtbol klýby» aktsıonerlik qoǵamyna 100 myń teńge soma aıyppul túrinde sanktsııa qoldanylsyn», -delingen federatsııanyń saıtynda ornatylǵan resmı aqparatta.
Qazaqstan Fýtbol federatsııasynyń baqylaý-tártip komıteti bul sheshimdi keshe, qazannyń 20-synda ótken májiliste qabyldady.
Fýtbol klýbyna aıyppuldy 2010 jyldyń qarasha aıynyń 1-ine deıin tóleý mindettelip otyr. «Shahter» osy merzimniń ishinde Lorııanyń aldyndaǵy da bereshegin óteýi tıis.
Federatsııa komıtetiniń sheshimin ári qaraı oryndamaǵan jaǵdaıda, «Shahterǵa» budan da qatań sanktsııalar qoldanylmaq. Degenmen, «Shahter» komıtettiń bul sheshimine 10 kúnniń ishinde shaǵymdanýǵa quqyly.
