Burynǵy fýtbolshy Kaha Kaladze Tbılısı meri atandy

ASTANA. QazAqparat - «Grýzın armany» basqarýshy partııasynan usynylǵan kandıdat, fýtboldan Grýzııa ulttyq quramasynyń burynǵy kapıtany 39 jastaǵy Kaha Kaladze 21 qazanda ótken Tbılısı meri saılaýynda 51,06% kórsetkishimen jeńiske jetti. 

Jeksenbide Grýzııanyń Ortalyq saılaý komıssııasy 727 saılaý ýchaskesiniń barlyǵynan jınalǵan bıýlletenderdi sanap shyǵyp, osylaı málimdeme jasady, dep habarlaıdy TASS.

Ekinshi oryndy táýelsiz kandıdat Aleko Elısashvılı (17,46% daýys) aldy, «Biryńǵaı ulttyq qozǵalys» partııasynan shyqqan Zaal Ýdýmashvılı (16,53%) úshinshi nátıje kórsetken.

1,2 mıllıon turǵyny bar grýzın astanasynyń basshysy bolýǵa 13 adam úmit bildirgen.

Kaha Kaladze 1978 jylǵy 27 aqpanda Grýzııa batysyndaǵy Samtredıa qalasynda jergilikti «Lokomotıv» klýbynyń kapıtany Karlo Kaladze otbasynda dúnıege kelgen. 1995-1997 jyldary Tbılısıdiń «Dınamo», 1998-2000 jyldary Kıevtiń «Dınamo» komandalarynda, 2001 jyldan 2010 jyldyń mamyryna deıin Italııanyń «Mılan» klýby sapynda óner kórsetken. «Mılan» quramynda eki ret Eýropa Chempıondar lıgasynyń jeńimpazy boldy, bes ret Grýzııanyń úzdik fýtbolshysy atandy.

Kaladze 2012 jyldyń qazanynan osy kezge deıin Grýzııa energetıka mınıstri laýazymyn atqaryp keldi.