Burynǵy energetıka vıtse-mınıstrin úıqamaqta ustaý merzimi uzartyldy
Astana qalasy №2 Almaty aýdandyq sotynyń baspasóz qyzmeti habarlaǵandaı, kúdiktige qatysty úıqamaqta ustaý túrindegi bultartpaý sharasy 1 shildege deıin uzartyldy.
Sondaı-aq, ózge kúdiktiler - Serikbaı Jumalınov, Bekzat Qabyrberlındi qamaýda ustaý merzimi 2018 jyldyń 1 shildesine deıin, Jan Nurbekovty qamaýda ustaý merzimi - 2 shildege deıin uzartylǵan.
Eske sala ketsek, 2 naýryz kúni Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın Sybaılas jemqorlyqqa qarsy is-qımyl ulttyq bıýrosy QR Energetıka mınıstrligi laýazymdy tulǵalarynyń qylmystyq qyzmetiniń joly kesilgenin málimdegen bolatyn.
Energetıka vıtse-mınıstri Ǵ. Sádibekovke «Aımaq» JShS merdigerlik uıymynyń basshysy D. Dýanbekpen sóz baılasyp, Şýchınsk-Býrabaı kýrorttyq aımaǵyndaǵy kóldi tazartýǵa bólingen asa iri mólsherdegi bıýdjet qarajatyn jymqyrdy degen aıyp taǵylyp otyr. Qylmysqa Energetıka mınıstrliginiń departament basshysy J. Nurbekov jáne merdiger uıymnyń ókilderi S. Jumalınov jáne B. Qadyrberlın de qatysqan.