Burynǵy Densaýlyq saqtaý mınıstri J.Dosqalıevke qatysty qozǵalǵan qylmystyq is prokýratýraǵa joldanady
ASTANA. 13 sáýir. QazAqparat /Marlan Jıembaı/ - Burynǵy Densaýlyq saqtaý mınıstri Jaqsylyq Dosqalıevke qatysty qozǵalǵan qylmystyq is prokýratýra organdaryna joldanady.
Bul týraly búgin elordada QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
«Qazirgi kezde aıyptalýshy jáne onyń qorǵaýshylary qylmystyq istiń materıaldarymen tanysýdy aıaqtady. Qylmystyq is Qazaqstan Respýblıkasynyń Qylmystyq is júrgizý kodeksiniń 284 babyna sáıkes prokýratýra organdaryna joldanady», - dedi ol.
Eske sala ketsek, J.Dosqalıevke qatysty qylmystyq is 2010 jyldyń qyrkúıeginde qozǵaldy. Oǵan qyzmettik laýazymyn asyra paıdalandy, asa iri kólemde para aldy, laýazymdyq ókilettigin asyra paıdalaný arqyly bıýdjettik qarjyny jymqyrdy degen aıyptar taǵyldy. Mınıstr qylmystyq jaýapkershilikten jaltarý úshin jalǵan ınsýlt jasady degen de kúdik taǵyldy.
