Burynǵy densaýlyq saqtaý mınıstri tergeý abaqtysyna aýystyryldy - Qarjy polıtsııasy
ASTANA. Qazannyń 13-i. QazAqparat /Damır Baımanov/ - Eks-densaýlyq saqtaý mınıstri Jaqsylyq Dosqalıev Astana qalasynyń tergeý abaqtysyna aýystyryldy. QazAqparat tilshisine bul týraly Ekonomıkalyq qylmysqa jáne sybaılas jemqorlyqqa qarsy kúres agenttiginiń (Qarjy polıtsııasy) resmı ókili Murat Jumanbaı habarlady.
«Aıyptalýshy keshe, qazannyń 12-sinde Astana qalasynyń tergeý abaqtysyna aýystyryldy»,- dedi M.Jumanbaı.
Ol sondaı-aq, qarjy polıtsııasynyń organdary qazannyń 11-inde J.Dosqalıevke «bılikti asyra paıdalandy jáne asa iri kólemde para aldy» degen aıyptar taqqanyn eske salyp ótti.
«Qazannyń 12-sinde eks-mınıstrdi qamaýǵa alý týraly usynys engizilip, prokýratýra organdary bul usynysty tolyq qoldady. Sol kúni Astana qalasy Saryarqa aýdanynyń №2 soty J.Dosqalıevti qamaýǵa alý týraly sanktsııa berdi», - dedi M.Jumanbaı.
Tergeý múddesi úshin ázirge basqa eshqandaı málimet berilmeı otyr.
