Burynǵy bankır AQSh-tan 104 mln. dollar syıaqy alatyn boldy
ASTANA. 12 qyrkúıek. QazAqparat - Shveıtsvrııalyq iri UBS bankiniń burynǵy qyzmetkeri Bredlı Bırkefeld AQSh ókimetinen 104 mıllıon dollar alýy múmkin. Mundaı jomarttyqpen berilgen syılyq oǵan salyqtan jaltarǵan myńdaǵan amerıkandyq salymshylar týraly aqparat bergeni úshin tólenbek.
47 jastaǵy Bırkefeld AQSh ókimet oryndarymen UBS bankisinde qyzmette júrgen kezinen - 2007 jyldan beri yntymaqtasyp keledi. Shveıtsarlyq salyqtan jaltarý úshin bank qoldanǵan shemanyń egjeı-tegjeıin jiberip otyrǵan.. Bırkefeldtiń ózi de alaıaqtyǵy úshin shatalyp, onyń qylmysy 2008 jyly ashylyp qaldy. Ol óziniń klıentteriniń qarajattaryn offshorlyq esepshottarǵa jóneltip otyrǵan. Bırkefeldtiń isi sheıtsarııalyq bankke qatysty iri tergeý sharalaryna ákep soqty, aqyrynda bank 700 mln. dollardan astam qarjy tólep qutyldy.
2008 jyly bankır AQSh ókimet oryndaǵaryn aldaǵany jaıly aıyptaýlardyń birin moıyndady. Bul qylmysy úshin ol 40 aıǵa deıin bas bostandyǵynan aıryldy. Búgingi tańda ol sottalǵan merzimin aıaqtap keledi, Nıý-Gempshırde úı qamaǵynda otyr.
BAQ-tardyń habarlaýynsha, Bırkefeld amerıkandyq ókimet oryndaryna salyqtan jaltarǵan 52 myń adamdy ustap bergen. Mundaı tájirıbe Qurama Shtattar úshin qalypty jaǵdaı. Ókimet oryndary osyndaı habarlamashylarǵa múddeli, óıtkeni olar tutastaı qyzmetkerler ustaǵannan góri áldeqaıda arzan.
Shveıtsarııalyq bank ondaǵan jyldar boıy búkil álemniń baı adamdaryna salyq zańnamalaryn buzýǵa járdemdesip kelgen. 2009 jyly UBS AQSh salyq tóleýshileri bolyp tabylatyn tórt myńnan astam salymshylardyń esimderin ashýǵa má»jbúr boldy. Sondaı-aq bank isti yń-shyńsyz retteý úshin 780 mln dollar tóleýge kelisimin berdi.
Sodan beri AQSh-tyń 33 myń salyq tóleýshileri shnetelderde deklaratsııalanbaǵan salymdary bar ekenin moıyndady. Olar qateligine ókinip, salyqtary men aıyppuldaryn tóledi, onyń shamasy bes mıllıard dollardan asty. 2006 jylǵy zań boıynsha AQSh-tyń salyq qyzmeti aqparat berýshilerge qylmystyń ashylýynan túsken qarjynyń 30 paıyzyn tóleýi tıis, dep habarlady «Vzglıad» basylymy.
