Burynǵy áıelin alyp qashqan aqtóbelik sottalyp ketti
AQTÓBE. QazAqparat - Aqtóbe oblysynyń turǵyny Abat Kýjbanov burynǵy áıelin urlap ketip, isti boldy. Sot 4 jylǵa bas bostandyǵynan aıyrý jazasyn taǵaıyndady, dep habarlaıdy QazAqparat tilshisi.
Abat Kýjbanov áıelinen ajyrasyp ketip, eki qyzyna ýaqytyly alıment tólep turǵan. Burynǵy áıeli alıment alǵanymen qyzdary men ákesin kezdestirmegen. Іs materıalyna súıensek, aıyptalýshy burynǵy áıeliniń izine túsip, keıin ony kúshtep kólikke mingizip, alyp ketken. Birneshe saǵat boıy áıelimen sóılesip, ony raıynan qaıtara almaǵan aıyptalýshy uryp-soqqan. Ol kezde kólik qala syrtyna shyǵyp, qıyrshyq tas karerleriniń janyna barǵan. Dalada eshkimnen kómek suraı almaǵan jábirlenýshi keıin aryz jazdy. Qylmystyq kodekstiń «Adam urlaý» baby boıynsha is qozǵaldy.
Aıta keteıik, sot otyrysy kezinde jábirlenýshi burynǵy kúıeýine keshirim berip, qylmystyq isti jabýdy surady. Aqtóbe oblystyq sotynyń baspasóz hatshysy Ilıada Dosovanyń aıtýynsha, aıyptalýshy Abat Kýjbanovqa adam urlaý deregi boıynsha 4 jylǵa bas bostandyǵynan aıyrý jazasy taǵaıyndaldy.
