Burynǵy áskerı qalashyqta bir adam mert boldy, qırandynyń astynda taǵy 3 adam qalyp otyr - Qaraǵandy oblysy
ASTANA. Qańtardyń 23-i. QazAqparat - Qaraǵandy oblysy aýmaǵyndaǵy burynǵy áskerı qalashyqta ǵımarattyń qulaýy saldarynan bir adam qaza tapty,
dep habarlady búgin, qańtardyń 23-i kúni TJM-nyń baspasóz qyzmeti.
TJM-nyń aqparaty boıynsha, keshe 13 saǵat 30 mınýtta Qaraǵandy oblysy «Balqash 9» stansysyndaǵy «Darıal-Ý» burynǵy áskerı qalashyǵynda ǵımarattardy ruqsatsyz bólshekteý barysynda nysannyń 500 sharshy metr kólemdegi konstrýktsııasy opyrylyp qulap, onyń astynda qalǵan 40 jastaǵy azamat sol orynda ólim qushty. 35 jastaǵy bir azamat dene jaraqattarymen aýrýhanaǵa jetkizildi. Boljam boıynsha qırandynyń astynda taǵy 3 adam qalyp otyr.
Tótenshe jaǵdaıdy joıýmen QR TJM-nyń Qaraǵandy oblysy boıynsha, Qaraǵandy qalasy boıynsha Tótenshe jaǵdaılar departamentteriniń 18 adamy men 3 tehnıkasy aınalysýda.
