Buryn sporttan shettetilgen bıatlonshy Galına Vıshnevskaıa Álem chempıonatyna qatysady
ASTANA. QazAqparat - Shvetsııanyń Estersýnd qalasynda bıatlonnan Álem chempıonaty bastaldy. 7 naýryz kúni aralas estafeta jarysy ótti, al búgin alǵashqy dara jarys bolady, dep habarlaıdy QazAqparat «SPORTINFORM» SAA-ǵa silteme jasap.
Búgin áıelder 7,5 kılometrlik sprınt jarysyna shyǵady. Qazaqstannyń Ulttyq Olımpıadalyq komıtetiniń málimetine sáıkes, oǵan Qazaqstannan tórt sportshy, sonyń ishinde quramanyń lıderi Galına Vıshnevskaıa da qatysady. Jarys jolyna shyǵatyn qalǵan sportshylar mynalar: Lıýdmıla Ahatova, Elızaveta Belchenko jáne Anastasııa Kondrateva.
Eske sala keteıik, 5 naýryz kúni Sporttyq arbıtrajdy sot (CAS) qazaqstandyq bıatlonshy Galına Vıshnevskaıanyń apellıatsııalyq shaǵymyn qanaǵattandyrý týraly sheshim qabyldady.
2018 jyldyń qarashasynda Galına Vıshnevskaıa Qazaqstan quramasynyń ózge segiz múshesimen birge jarystardan ýaqytsha shettetilgen bolatyn.
