Buryn isti bolǵan er adam Astanadaǵy túzeý mekemesiniń qyzmetkerine para bermekke árekettengen
ASTANA. 6 tamyz. QazAqparat - Astanadaǵy túzeý mekemesiniń qyzmetkerine zańsyz aqsha bermekke árekettengen, buryn isti bolǵan er adam ustaldy,
dep habarlady Qylmystyq-atqarý júıesi departamentinen.
Astana qalasy boıynsha QAJ departamenti basshysynyń mindetin atqarýshy Tolqyn Narymbıevtiń sózine qaraǵanda, 5 tamyz kúni QAJ jeke qaýipsizdik qyzmetkerleri qarjy polıtsııasynyń qyzmetkerlerimen birlesip, QAJ mekemesine irgeles aýmaqta para berýshini ustaǵan.
Buryn isti bolǵan er adam mekeme qyzmetkerine sottalǵandardyń birine anyqtama alyp berý úshin aqsha usynbaq bolǵan. Atalǵan fakti boıynsha qylmystyq is qozǵaldy.
Bul aǵymdaǵy jyly respýblıkanyń penıtentsıarlyq júıesinde tirkelgen, QAJ qyzmetkeri para berýshige satylmaı qyzmettik paryzyn oryndaǵan osyǵan uqsas tórtinshi jaǵdaı, dep atap ótti QR ІІM QAJK baspasóz qyzmetinen.
