Burymdy boksshylarymyz bıikten kórindi
ASTANA. QazAqparat - Aqmola oblysy Şýchınsk qalasynda tuńǵysh ret qyzdar arasynda Táýelsizdik Memleketter Dostastyǵy kýbogyna arnalǵan bokstan Halyqaralyq týrnır ótti, dep habarlaıdy QazAqparat tilshisi.
Atalmysh týrnırge Qazaqstan, Ýkraına jáne Reseı memleketterinen jalpy sany 69 bylǵary qolǵap sheberi qatysty.
48 keli salmaqta qazaqstandyq Alına Turlybaeva chempıon atansa, 51 kelide eki dúrkin álem chempıony Nazym Qyzaıbaıdy Ýkraınadan kelgen Tatıana Kob fınalda utyp ketti.
54 keli salmaqta álem chempıony Dına Jolaman bas júldeni qanjyǵasyna baılasa, 69 kelide Zýra Qusaıynova, 75 kelide Rıo Olımpıadasynyń qola júldegeri Darıǵa Shákimova, 81 kelide Móldir Bazarbaeva jáne +81 kelide Lázzát Kúngeıbaevalar chempıon atandy
