Býrıatııadaǵy iri apat: 22 poıyz vagony relsten shyǵyp ketti
ASTANA.KAZINFORM — Aldyn ala málimet boıynsha, zardap shekkender joq, dep habarlaıdy Kazinform agenttiginiń menshikti tilshisi.
Býrıatııanyń (Reseı) Mýıskıı aýdanyndaǵy Angarakan stantsııasynda 20-dan astam bos júk poıyzy vagony relsten shyǵyp ketti. Bul týraly reseılik Tótenshe jaǵdaılar mınıstrliginiń respýblıka boıynsha Bas basqarmasynyń baspasóz qyzmeti habarlady. Saldarynan 250 m jol jáne baılanys jelisi zaqymdanǵan.
Jumys júrgizý úshin Angarakan stantsııasyna Taksımo jáne Severobaıkal qalalarynan qalpyna keltirý poıyzdary jiberildi.
Oqıǵa saldarynan jolaýshylar poıyzy (Kıslovodsk-Tynda) keshigip qaldy. Keshigýler týraly aqparat stantsııalar men termınaldarda kútip turǵan jolaýshylarǵa SMS habarlamalar arqyly jiberiledi.
Temirjolshylar poıyzdar qozǵalysyn qalpyna keltirý úshin qajetti sharalardy qabyldap jatyr.
Eske sala keteıik, buǵan deıin Almaty metrosynda zaǵıp jolaýshy relske qulap, mert bolǵanyn jazǵan bolatynbyz.