Býrıatııadaǵy kenishte qar kóshkini: qaza tapqan alty adamnyń máıiti tabyldy
ASTANA. KAZINFORM – Reseıdiń Býrıatııa óńirindegi «Irokında» kenishinde qar kóshkini saldarynan qaza tapqan barlyq alty adamnyń máıiti tabyldy, dep habarlaıdy TASS.
Reseıdiń Tótenshe jaǵdaılar mınıstrliginiń málimetinshe, izdestirý-qutqarý jumystary tolyq aıaqtalǵan.
– Qar kóshkini júrgen jerde taǵy eki adamnyń denesi tabyldy. Osylaısha, alty adamnyń barlyǵy qar astynan shyǵaryldy, – delingen vedomstvo dereginde.
Oqıǵa kenish aýmaǵynda qar massasynyń túsýi saldarynan bolǵan. Qutqarýshylar birneshe kún boıy izdestirý jumystaryn júrgizdi.
Qazirgi ýaqytta oqıǵanyń mán-jaıy anyqtalyp jatyr.
Aıta keteıik, buǵan deıin Reseıde qar kóshkini jumysshylardy basyp qalǵany habarlanǵan bolatyn.
