Býrıatııada tuman saldarynan bolǵan jol apatynda 5 adam qaza tapty
ASTANA. QazAqparat - Býrıatııada qalyń tuman túsýiniń saldarynan jol apaty bolyp, bes adamnyń ómiri qıyldy. Bul týraly RIA Novostı respýblıka ishki ister mınıstrliginiń baspasóz qyzmetine silteme jasap habarlaıdy.
Jol apaty Selenga aýdanynda, Ýlan-Ýde-Kıahta avtojolynyń 71-kılometrinde, Gýsınoozersk qalasynan 15 shaqyrymdaı jerde bolǵan. Mitsubishi Canter júk kóligi jeńil Toyota Vista mashınasymen soqtyǵysqan.
Anyqtalǵandaı, júk kóliginiń 45 jastaǵy júrgizýshisi qalyń tuman saldarynan qarama-qarsy baǵytqa shyǵyp ketip, avtomobıldi soǵady. Oqys oqıǵa saldarynan jeńil kóliktegi tórt jolaýshy men júrgizýshi qaza tapty.
Qazirgi kezde tekserister júrip jatyr.
