Býrıatııada shamamen 80 myń gektar orman órtenip jatyr
ASTANA. QazAqparat - Órt qaýpi órship turǵan Býrıatııada bir táýlikte 2 myń ga astam aýmaqtaǵy 10 orman órti joıyldy. Bul týraly TASS Respýblıkalyq orman sharýashylyǵy agenttigine (ROShA) silteme jasap habarlady.
«78 myń gektardan astam aýmaqtaǵy 41 jalynnyń týýy jedel shtabtyń baqylaýynda. Taǵy 9 oshaq aýyzdyqtaldy», - dedi vedomstvonyń baspasóz hatshysy Aleksandra Egorova. TJM aımaqtyq MM eldi mekender men áleýmettik sala nysandaryna qaýip tónip turǵan joq ekenin aıtty.
ROShA ókiliniń sózine qaraǵanda, otty aýyzdyqtaýǵa tartylǵan qutqarýshylar sany artyp jatyr. «Búgin tańerteń Krasnoıarsk, Tomsk jáne Zabaıkalskıı ólkesinen federaldyq kúsh kelip jetti. Respýblıkadaǵy orman órtin joıýǵa 1608 adam, 185 tehnıka jumyldyryldy», - dep túsindirdi ROShA.
