Býrıatııada damba jarylyp, tótenshe jaǵdaı rejımi engizildi

ÝLAN-ÝDE. TASS. QazAqparat – Býrıatııada damba jarylyp, Holodnaıa ózeni arnasynan asyp, sý temirjoldy shaıyp ketkenine baılanysty bılik ókilderi tótenshe jaǵdaı rejımin engizdi. Bul týraly Býrıatııa basshysy Alekseı Tsydenov málimdedi, dep habarlaıdy QazAqparat TASS agenttigine silteme jasap.

«Soltústik Baıkal aýdanyndaǵy jaǵdaıǵa baılanysty komıssııa ótkizdim. Býrıatııada damba jarylyp, Holodnaıa ózeni arnasynan asyp, temirjoldardy shaıyp ketýine baılanysty TJ rejımi engizildi. Jedel shtab qurylyp, TJ saldaryn joıý úshin is-sharalar uıymdastyryp jatyrmyz», - dep jazdy Tsydenov.

Ol jaqyn mańdaǵy mekemede jumys isteıtin jol jáne qurylys tehnıkasy tartylǵanyn, onyń ishinde ózi aýdarǵysh júk mashınasy, ekskavatorlar bar ekenin atap ótti.

«Shyǵys Sibir temirjoly da apat saldaryn joıýǵa qajet amaldardyń bárin isteıdi. Sý deńgeıi tómendep jatyr, sol sebepti kóp uzamaı tasjoldy qalpyna keltirip, jolaýshylardy tasymaldaımyz. Turǵyndarǵa qaýip tónip turǵan joq. Aýdanda adamdarǵa tamaq berý jáne jylytý ortalyqtary uıymdastyryldy. Soqyrishegi asqynǵan áıeldi sý arqyly qaıyqpen aýrýhanaǵa apara jatyrmyz», - dep atap ótti basshy.

Keıinirek Tsydenov qol qoıylǵan jarlyqqa sáıkes óńirde 20 tamyz 12:00-den (07:00 msk) bastap Soltústik Baıkal aýdany mýnıtsıpaldyq bilim berý aýmaǵynda tótenshe jaǵdaı engizilgenin aıtty.

TJ saldaryn joıý basshysy bolyp aýdan basshysy Igor Pýharev bekitildi. Barlyq respýblıkalyq mınıstrlikter men vedomstvolar, aýdan bıligine adamdardyń qaýipsizdigin qamtamasyz etetin barlyq amaldy oryndaý tapsyryldy», - dep tolyqtyrdy óńir basshysy.