Býrıatııa turǵynyna temeki qaldyǵyn tastaǵany úshin 580 mıllıon rýbl aıyppul salyndy
ASTANA. 11 sáýir. QazAqparat - Býrıatııanyń Ivolga aýdanynyń bitistirý soty 21 jastaǵy Aleksandr Malkovqa túzetý jumystaryna úkim shyǵardy jáne orman órtine dýshar etken qýrap turǵan shópke temeki qaldyǵyn laqtyrǵany úshin 581 mıllıon 683 myń rýbl aıyppul saldy, dep habarlady Lenta rý.
2009 jylǵy 11 maýsymda saǵat tańerteńgi 10 shamasynda Malkov Ýta-Býlag eldi mekeninde dalada qýrap turǵan shópke sóndirilmegen temeki qaldyǵyn laqtyryp ketken. Shóp jana bastaǵanda ol jigit otty sóndirmeı ketip qalǵan. Órt saldarynan 1945 gektar orman alqaby zııan shekti. Ivolga selolyq ýchaskelik orman sharýashylyǵyna 581 mıllıon 683 myń 612 rýbl zııan keltirildi.
2012 jylǵy 3 sáýirde sot ony RF QK 1 bóliminiń 261 babynda kózdelgen qylmysqa kináli dep tanydy jáne bir jyl boıy eńbek aqysynan 10 paıyz ustap qalyp, qoǵamdyq jumystarǵa májbúrleýge úkim shyǵardy. Sonymen qatar Malkov orman sharýashylyǵyna kelgen zalaldyń ornyn toltyrýy tıis.
Úkim áli kúshine engen joq, Malkov qaıtadan aryzdanýǵa quqyly.
