Burshaqtyń kesirinen úsh myńnan astam úı zaqymdandy
ASTANA. QazAqparat - RF Altaı Respýblıkasynyń Maımınsk aýdany men Taýly Altaıda tótenshe jaǵdaı rejimi engizildi.
Dúısenbi kúni munda úlkendigi 4 sm jáne odan da asatyn burshaq jaýyp, baspanalardyń shatyryn zaqymdap, terezelerdiń shynylaryn syndyrǵan. Bul týraly seısenbi kúni aımaq boıynsha TJM MM habarlandy.
7 adam medıtsınalyq qyzmetke júgingen. Bári túrli deńgeıde bastarynan jaraqattanǵan.Avtomobılder, 64 áleýmettik nysan, 3 myńnan astam turǵyn úı zardap shekti. Barlyǵy 42 myń sharshy metr shatyr zaqymdandy, terezelerdiń 1,6 myń sharshy metr shynysy syndy.
Aımaqta búgin, 29 shildede jańbyr, burshaq jaýyp, jeldiń jyldamdyǵy 22-27 m/s jetedi degen eskertý jasaldy.
