Burshaqtan zardap shekken aqmolalyqtardyń shyǵyny óteledi
KÓKShETAÝ. QazAqparat - Aqmola oblysynyń Býrabaı aýdanynda burshaqtan kelgen shyǵyn kólemin anyqtaý úshin arnaıy jumys toby quryldy, dep habarlaıdy "QazAqparat" HAA tilshisi.
Qazirgi kezde, tabıǵat apatynan zardap shekken turǵyndardyń aryzy qabyldanýda. 4 maýsym kúni Býrabaı aýdandyq Tótenshe jaǵdaılar jónindegi komıssııanyń kezekten tys otyrysy ótedi. Onda tótenshe jaǵdaıdyń saldarynan kelgen shyǵyndy óteý máselesi qaralmaq.
Eske sala keteıik, aǵymdaǵy jyldyń 30 maýsymynda Býrabaı aýdanynyń aýmaǵynda kólemi 20 jəne 30 mıllımetrlik burshaq jaýdy. Tabıǵattyń tosyn minezinen Şýchınsk qalasynyń soltústik-shyǵys bóligindegi turǵyn úıler zardap shekti.
Aqmola oblystyq TJD basshysynyń orynbasary Qanat Dospaevtyń aıtýynsha, burshaqtyń jaýatyny aldyn ala boljanǵanymen, onyń osynshalyqty iri bolatynyn eshkim kútpegen.
Burshaqtan zardap shekken 8 adam (4 balalar) dərigerlerdiń kómegine júgindi. Onyń ishinde 1962 jylǵy əıel aýrýhanaǵa jatqyzylsa, qalǵandary alǵashqy medıtsınalyq kómek kórsetilgen soń úılerine jiberildi.
Osy kúni Býrabaı aýdandyq TJ bólimine úıleriniń shatyry, terezesi jəne avtokólikteri búlingeni jóninde 4 adamnan aryz túsken.
