Burshaq, jel, jańbyr: 11-13 qyrkúıek aralyǵynda kún raıy qandaı bolady
ASTANA. KAZINFORM – «Qazgıdromet» RMK-sy qyrkúeıktiń 11-13 aralyǵyndaǵy kún raıy boljamyn jarııalady.
Kásiporyn taratqan derekterge qaraǵanda, aldaǵy kúnderi respýblıkanyń ońtústik óńirlerinen basqa aýmaqtarynda kún salqyn ári jańbyrly bolady. Buǵan soltústik tsıklon men onymen baılanysty atmosferalyq frontaldy bólikter sebep bolady.
11 qyrkúıekte soltústikte, 11–12 qyrkúıekte shyǵysta, 11–13 qyrkúıekte Qazaqstannyń ortalyǵynda qatty jańbyr jaýady, soltústik pen shyǵysta burshaq pen kúshti jel bolýy múmkin. Osy kezeńniń sońyna qaraı Qazaqstannyń ońtústigi men ońtústik-shyǵysy Jońǵar tsıklonynyń yqpalynda bolyp, atalǵan óńirlerde jańbyrmen qatar aýa temperatýrasynyń azdap joǵarylaýy múmkin.
Respýblıka boıynsha jel kúsheıedi, soltústik-batysta, soltústikte, shyǵysta, ortalyqta túngi jáne tańǵy ýaqytta – tuman túsedi. Eldiń ońtústiginde shańdy daýyl turýy yqtımal.
Kóptegen óńirlerde aýa temperatýrasy tómendeýi múmkin:
- Batysta túnde +5…+16°S, kúndiz +15…+25°S;
- Soltústik-batysta túnde +1…+11°S, jerdiń betki qabatynda -2°S úsik, kúndiz +8…+20°S;
- Soltústikte túnde +1…+7°S, jerdiń betki qabatynda -2°S úsik, kúndiz +8…+16°S;
- Ortalyqta túnde +1…+10°S, topyraq betinde -2°S úsik, kúndiz +10…+20°S;
- Shyǵysta túnde +1…+11°S, kúndiz +15…+23°S deıin jylynady;
- Ońtústikte túnde +12…+20°S, kúndiz temperatýra +23…+33°S-ten +25…+35°S aralyǵynda aýytqıdy;
- Ońtústik-shyǵysta túnde +12…+17°S, taýly aýdandarda +2…+7°S, kúndiz +24…+32°S; taýly aýdandarda túnde 0…+5°S, kúndiz +8…+15°S.
Osyǵan deıin Shymkenttegi «Keń baba» saıabaǵy túpkilikti memleket menshigine ótkeni týraly jazdyq.