Burshaq, jel, tuman: Qostanaı men Aqmolada kún buzylady
NUR-SULTAN. QazAqparat - Aýa raıynyń buzylýyna baılanysty sınoptıkter eki óńirde eskertý jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
5 qyrkúıekte Qostanaı oblysynyń keı jerlerinde naızaǵaı oınap, burshaq jaýady. Túnde jáne tańerteń tuman túsedi. Shyǵystan jáne soltústik-shyǵystan soqqan jeldiń ekpini túnde keı jerlerde - 15-20 m/s, kúndiz - 15-20, 23 m/s jetedi.
5 qyrkúıek kúndiz Qostanaı qalasynda shyǵystan jáne soltústik-shyǵystan jel soǵady. Jel ekpini - 15-20 m/s.
5-6 qyrkúıekte Aqmola oblysynyń keı jerlerinde qatty jańbyr jaýady. Kún kúrkirep, túnde jáne tańerteń tuman túsedi. 5 qyrkúıek kúndiz keı jerlerde burshaq jaýýy yqtımal. 6 qyrkúıek keı jerlerde daýyl soǵyp, tuman túsedi. Ońtústik-shyǵystan soqqan jel ońtústik-batysqa aýysyp, qarqyny 15-20 m/s deıin kúsheıedi.
5 qyrkúıek túnde jáne tańerteń Kókshetaý qalasynda tuman kútiledi. 6 qyrkúıekte túnde jáne tańerteń nóser jańbyr jaýady. Ońtústik-shyǵystan soqqan jel ońtústik-batysqa aýysady. Kúndiz jeldiń kúshi sekýndyna 15-18 metrge jetedi.
