Burshaq, jel, naızaǵaı - BQO-da eskertý jarııalandy
ORAL. QazAqparat - Batys Qazaqstanda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 7 shilde kúni keı jerlerde naızaǵaı oınap, soltústik-batystan soǵatyn jeldiń jyldamdyǵy sekýndyna 15-20 metrge deıin kúsheıedi.
Sondaı-aq, oblysta burshaq jaýýy yqtımal. Oral qalasynda da osyndaı aýa raıy bolyp, jeldiń ekpini sekýndyna 18 metrge deıin jetedi.
«Osyǵan baılanysty óńirde eskertý jarııalanyp, turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń qalypty jumysyn qamtamasyz etý baǵytynda sharalar alynýda», - dedi BQO TJ departamentiniń jedel kezekshisi, azamattyq qorǵaý podpolkovnıgi Nurbolat Muqajanov.
