Burshaq, jel, qatty ystyq - Jumaǵa arnalǵan aýa raıy boljamy
ASTANA. QazAqparat - «Qazgıdromet» RMK 13 shildege arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıka boıynsha keı jerlerde naızaǵaımen birge jańbyr jaýady, burshaq bolýy múmkin, tek respýblıkanyń ońtústik-batysynda jáne ońtústiginde aýa raıy jaýyn-shashynsyz bolady. Respýblıkanyń keı aımaqtarynda jel kúsheıip, soltústikte jáne ortalyqta túnde tuman túsedi.
Soltústik Qazaqstan, Qostanaı, Shyǵys Qazaqstan, Pavlodar, Aqmola oblystarynda kúndiz burshaq jaýýy múmkin, jeldiń jyldamdyǵy 15-20 m/s bolady, Qostanaı oblysynda keı jerlerde tuman bolady.
Tańerteń jáne kúndiz Qyzylorda oblysynda keı jerlerde jel 15-20 m/s jetip, shańdy daýyl turady. Mańǵystaý oblysynda kúndiz keı jerlerde jeldiń kúshi 15m/s, burshaq jaýýy múmkin.
Qyzylorda, Atyraý oblystarynyń basym bóliginde, Mańǵystaý oblysynyń keı jerlerinde, Aqtóbe, Qaraǵandy, Batys Qazaqstan, Shyǵys Qazaqstan, Almaty, Jambyl, Ońtústik Qazaqstan oblystarynda qatty ystyq bolady.
