Burshaq, jaýyn, jel – cársenbige arnalǵan aýa raıy boljamy

NUR-SULTAN. QazAqparat – Qazgıdromet 13 shildege arnalǵan aýa raıy boljamyn jarııalady, dep habarlaıdy QazAqparat.

Atmosferalyq aýa aǵyndardyń ótýi QR aýmaǵynyń basym bóliginde qubylmaly aýa raıyn saqtaıtyn bolady – naızaǵaımen birge jańbyr jaýady, jeldiń kúsheıýi, elimizdiń ońtústik-batysynda, ońtústiginde shańdy daýyl soǵyp, batysynda burshaq jaýady. Tek Qazaqstannyń ońtústigi, ońtústik-batysy, soltústik-batysy jáne ortalyǵynda jaýyn-shashynsyz aýa raıy kútiledi.

Túrkistan, Qyzylorda, Atyraý oblystarynyń basym bóliginde, Batys Qazaqstan oblysynyń ońtústiginde, Qostanaı oblysynyń batysynda, ortalyǵynda tótenshe órt qaýpi saqtalady.

Kúndiz Batys Qazaqstan, Atyraý, Aqtóbe, Qostanaı oblystarynyń basym bóliginde qatty ystyq boljanady.

Kúndiz Mańǵystaý oblysynyń basym bóliginde, Batys Qazaqstan, Atyraý, Aqtóbe oblystarynyń ońtústiginde qatty ystyq bolady.