Burshaq, jaýyn, jel - Beısenbige arnalǵan aýa raıy
ASTANA. QazAqparat - Atmosferalyq aýa aǵyndardyń ótýine baılanysty respýblıkanyń soltústiginde, ortalyqta jáne shyǵysta naızaǵaımen birge jańbyr jaýady. Bul týraly QazAqparat Qazgıdrometke silteme jasap habarlaıdy.
Soltústiktiń keı jerlerinde qatty jańbyr jaýady, ekpindi jel kútiledi, daýyl bolady, burshaq bolýy múmkin. Túnde jáne tańerteń jekelegen aýdanynda soltústik tuman kútiledi.
Soltústik Qazaqstan, Pavlodar, Shyǵys Qazaqstan, Qaraǵandy oblystarynyń keı jerlerinde naızaǵaı jarqyldap, jel 15-20 m/s jyldamdyqpen soǵady, kúndiz burshaq bolýy múmkin.
Aqmola oblysynyń keı jerlerinde naızaǵaı kútiledi, jel 15-20 m/s kúsheıedi, jeldiń ekpini 25 m/s deıin jetedi, burshaq bolýy múmkin, túnde jáne tańerten keı jerlerinde tuman bolady.
Almaty oblysynda taýly aýdanyndarda naızaǵaı kútiledi, jel 17-22 m/s kúsheıedi.
Al Batys Qazaqstan oblysynyń keı jerlerinde qatty ystyq kútiledi. Jambyl, Túrkistan, keı jerlerinde Aqtóbe, Qyzylorda, Atyraý, Batys Qazaqstan, Qaraǵandy oblystarynda tótenshe órt qaýpi saqtalady.
