Burshaq, jaýyn, shańdy daýyl - seısenbige arnalǵan aýa raıy boljamy
NUR-SULTAN. QazAqparat - «Qazgıdromet» RMK 14 mamyrǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty, keı jerlerde jaýyn-shashyn kútiledi. Respýblıkanyń ońtústiginde jáne ońtústik-shyǵysynda aýa raıy jaýyn-shashynsyz bolady. Respýblıkanyń keı aımaqtarynda jel kúsheıip, naızaǵaı kútiledi, burshaq jaýýy múmkin, daýyl, ońtústikte- shańdy daýyl, ońtústik-batysta - tuman.
Shyǵys Qazaqstan, Pavlodar, kúndiz Soltústik Qazaqstan, Qaraǵandy, Aqmola oblystarynyń keı jerlerinde daýyl kútiledi, burshaq jaýýy múmkin, jeldiń jyldamdyǵy 23-28 m/s jetedi.
Batys Qazaqstan oblysynyń keı jerlerinde burshaq jaýýy múmkin, kúndiz jel 15-20 m/s kúsheıedi.
Jambyl, Túrkistan, Qyzylorda, Aqtóbe, Qostanaı oblystarynyń keı jerlerinde jel 15-20 m/s kúsheıedi.
Qyzylorda oblysynda shańdy daýyl kútiledi. Mańǵystaý, Atyraý oblystarynda keı jerlerinde tuman túsedi.
