Burshaq, jaýyn, naızaǵaı – dúısenbige arnalǵan aýa raıy boljamy
NUR-SULTAN. QazAqparat – Qazgıdromet 24 tamyzǵa arnalǵan aýa raıy boljamyn usynady, dep habarlaıdy QazAqparat.
Qazaqstan aýmaǵynyń basym bóliginde qubylmaly aýa raıy saqtalady. Atmosferalyq aýa aǵyndardyń ótýine baılanysty jańbyrmen birge naızaǵaı kútiledi, ońtústik-batysta qatty jańbyr jaýady, tek ońtústik-shyǵysta jáne batysta aýa raıy kóbinese jaýyn-shashynsyz bolady. Respýblıkanyń keı jerlerinde tuman kútiledi, jel kúsheıedi, ońtústikte shańdy daýylmen jel kútiledi, burshaq jaýýy yqtımal.
Qaraǵandy oblysynyń keı jerlerinde naızaǵaı kútiledi, burshaq jaýýy yqtımal, túnde jáne tańerteń tuman kútiledi, kúndiz jel 15-20 m/s deıin kúsheıedi. Shyǵys Qazaqstan oblysynyń keı jerlerinde tańerteń jáne kúndiz naızaǵaı kútiledi, túnde keı jerlerinde tuman kútiledi, kúndiz jel 15-20 m/s kúsheıedi.
Túrkistan, Qyzylorda oblystarynyń keı jerlerinde naızaǵaı kútiledi, shańdy daýylmen jel kúsheıedi, kúshi 15-20 m/s quraıdy. Aqmola oblysynyń keı jerlerinde tańerteń jáne kúndiz naızaǵaı kútiledi, túnde jáne tańerteń tuman kútiledi. Túnde Atyraý oblysynyń keı jerlerinde naızaǵaı kútiledi, kúndiz jel 15-20 m/s kúsheıedi.
Soltústik Qazaqstan, kúndiz Qostanaı oblystarynyń keı jerlerinde naızaǵaı kútiledi, keı jerlerinde tuman kútiledi. Mańǵystaý oblysynyń keı jerlerinde naızaǵaı kútiledi, kúndiz burshaq jaýýy yqtımal. Ońtústikte Aqtóbe oblysynda naızaǵaı kútiledi. Jambyl oblysynyń keı jerlerinde jel 16-21 m/s kúsheıedi. Túnde Pavlodar oblysynda tuman kútiledi.
Qyzylorda oblysynda, Túrkistan oblysynyń basym bóliginde, Jambyl, Almaty, Atyraý oblystarynyń keı jerlerinde, Batys Qazaqstan ońtústiginde, Qaraǵandy oblysynyń ońtústik-batysynda tótenshe órt qaýpi saqtalady.
