Batysta burshaq jaýyp, shyǵysta kóktaıǵaq bolady — Qazgıdromet
ASTANA. KAZINFORM — «Qazgıdromet» RMK 14 sáýirde elimizdiń birqatar aımaǵynda qolaısyz aýa raıy bolatynyn eskertti.
Atmosferalyq frontaldy bólimderdiń ótýimen Qazaqstannyń batysynda, soltústiginde, shyǵysynda aýa-raıynyń turaqsyz sıpaty saqtalady, naızaǵaı oınap, jańbyr jaýady. Respýblıkanyń batysynda, ońtústik-batysynda qatty jańbyr, burshaq jaýyp, daýyl turady. Eldiń soltústiginde, shyǵysynda túngi ýaqytta jaýyn-shashyn (jańbyr, qar) bolady. Basqa aımaqtarda aýa raıy jaýyn-shashynsyz.
Respýblıka boıynsha tuman bolyp, jel kúsheıip, ońtústikte shańdy daýyl turady, al elimizdiń shyǵysynda kóktaıǵaq bolady.
Túrkistan oblysynyń batysynda, soltústiginde, Jambyl oblysynyń batysynda, ońtústik-shyǵysynda, Almaty oblysynyń soltústiginde, batysynda, ortalyǵynda órt qaýpi joǵary bolady. Sondaı-aq Jetisý oblysynyń soltústiginde, ońtústiginde, ortalyǵynda, Qaraǵandy oblysynyń batysynda, ońtústiginde, Abaı oblysynyń ońtústiginde de órt qaýpi joǵary dep boljanǵan.
Buǵan deıin sınoptıkter úsh kúnge aýa raıy boljamyn jarııalady.
