Burshaq jáne 40 gradýsqa deıingi aptap ystyq: 16 óńirde eskertý jarııalandy
ASTANA. KAZINFORM — Qazaqstannyń 16 oblysynda 20 tamyzǵa daýyldy eskertý jarııalandy. Bul týraly «Qazgıdromet» RMK málimdedi.
Astanada keı ýaqytta jańbyr jaýyp, naızaǵaı bolady. Soltústik-batystan, soltústikten jel soǵyp, kúndiz onyń ekpini sekýndyna 15–18 metrge jetedi.
Almatyda tańerteń jáne kúndiz jańbyr jaýyp, naızaǵaı oınaıdy. Jel ońtústik-shyǵystan soltústik-batysqa aýysyp, kúndiz ekpini 15 m/s-qa deıin kúsheıedi. Qalada joǵary órt qaýpi saqtalady.
Abaı oblysynyń batysy, soltústigi men shyǵysynda jańbyr, naızaǵaı kútiledi. Kúndiz burshaq jaýyp, shkval bolýy múmkin. Soltústik-batystan soǵatyn jeldiń jyldamdyǵy 15–20 m/s, kúndiz ekpini 25 m/s-qa deıin jetedi. Oblysta joǵary órt qaýpi saqtalady. Al ońtústik jáne ortalyq bólikterinde órt qaýpi óte joǵary deńgeıde.
Atyraý oblysynda ońtústik-batystan jel soǵady. Kúndiz oblystyń soltústigi men shyǵysynda jeldiń ekpini 15–18 m/s bolady. Kúndiz aýa temperatýrasy 35–38 gradýsqa deıin kóterilip, qatty ystyq bolady. Oblysta tótenshe órt qaýpi saqtalady.
Almaty oblysynyń ońtústiginde azdaǵan jańbyr jaýyp, naızaǵaı oınaıdy. Taýly aımaqtarda ótkinshi jańbyr men naızaǵaı kútiledi. Ońtústik-shyǵystan soǵatyn jel soltústik-batysqa aýysyp, ońtústikte jáne taýly aýdandarda onyń ekpini 15–20 m/s-qa deıin jetedi. Kúndiz aýa temperatýrasy 35 gradýsqa deıin kóteriledi. Oblystyń batysy men soltústiginde tótenshe órt qaýpi saqtalady. Ońtústik, shyǵys jáne ortalyq bólikterinde joǵary órt qaýpi bar.
Aqtóbe oblysynyń batysy men soltústiginde kúndiz azdaǵan jańbyr jaýyp, naızaǵaı bolady. Jel soltústik-shyǵystan ońtústik-batysqa aýysady. Kúndiz oblystyń batysy men ońtústiginde jel ekpini 15 m/s-qa deıin kúsheıedi. Aýa temperatýrasy 35–38 gradýsqa deıin kóteriledi. Oblystyń ortalyǵynda joǵary, al jalpy oblys boıynsha tótenshe órt qaýpi saqtalady.
Aqmola oblysynyń soltústigi, shyǵysy jáne ońtústiginde jańbyr, naızaǵaı, kúndiz burshaq pen shkval kútiledi. Túnde oblystyń soltústigi men shyǵysynda qatty jańbyr jaýýy múmkin. Túnde jáne tańerteń batys, soltústik jáne shyǵys aýdandarda tuman túsedi. Soltústik-batystan, soltústikten soǵatyn jeldiń ekpini soltústik, shyǵys jáne ońtústik aýdandarda 15–20 m/s-qa deıin jetedi. Batys jáne ońtústik bólikterde joǵary órt qaýpi saqtalady.
Shyǵys Qazaqstan oblysynyń batysy, soltústigi men shyǵysynda jańbyr, naızaǵaı, kúndiz burshaq pen shkval kútiledi. Soltústik-batystan soǵatyn jeldiń jyldamdyǵy 15–20 m/s, kúndiz ekpini 23 m/s-qa deıin jetedi. Oblystyń soltústik-batysy men ortalyǵynda joǵary, al shyǵysy men ońtústiginde tótenshe órt qaýpi saqtalady.
Jambyl oblysynyń taýly aýdandarynda ótkinshi jańbyr jaýyp, naızaǵaı oınaıdy. Taýly aımaqtarda soltústik-batystan soǵatyn jeldiń jyldamdyǵy 15–20 m/s bolady. Oblysta tótenshe órt qaýpi saqtalady, shyǵys bóliginde joǵary órt qaýpi bar.
Jetisý oblysynyń taýly aýdandarynda kúndiz azdaǵan jańbyr jaýyp, naızaǵaı bolady. Soltústik-batystan soǵatyn jel oblystyń shyǵysy men taýly aýdandarynda 15–20 m/s-qa deıin kúsheıedi. Kúndiz aýa temperatýrasy 35–36 gradýsqa deıin kóteriledi. Oblysta tótenshe órt qaýpi saqtalady.
Batys Qazaqstan oblysynyń batysy, soltústigi men shyǵysynda kúndiz ótkinshi jańbyr, naızaǵaı, burshaq jáne shkval kútiledi. Ońtústik-shyǵystan, ońtústikten soǵatyn jeldiń ekpini kúndiz 15–20 m/s-qa deıin jetedi. Aýa temperatýrasy 35–37 gradýs bolady. Oblysta tótenshe órt qaýpi saqtalady. Soltústik jáne soltústik-batys aýdandarda joǵary órt qaýpi bar.
Qaraǵandy oblysynyń batysy, soltústigi men shyǵysynda jańbyr, naızaǵaı, keı ýaqytta qatty jańbyr, burshaq jáne shkval kútiledi. Túnde jáne tańerteń soltústik pen shyǵysta tuman túsedi. Soltústik-batystan, soltústikten soǵatyn jeldiń ekpini soltústik, ońtústik jáne shyǵys aýdandarda 15–20 m/s-qa deıin kúsheıedi. Oblystyń batysy, shyǵysy men ońtústiginde tótenshe, al soltústik-batysy men ortalyǵynda joǵary órt qaýpi saqtalady.
Qyzylorda oblysynda tótenshe órt qaýpi saqtalady.
Qostanaı oblysynyń ońtústigi men shyǵysynda túnde azdaǵan jańbyr jaýyp, naızaǵaı bolady. Túnde jáne tańerteń oblystyń batysy men soltústiginde tuman túsedi. Oblysta joǵary órt qaýpi saqtalady. Ońtústik, ońtústik-shyǵys jáne ortalyq aýdandarda tótenshe órt qaýpi bar.
Mańǵystaý oblysynyń soltústigi men ortalyǵynda kúndiz jańbyr jaýyp, naızaǵaı bolady. Soltústik-batystan soǵatyn jeldiń ekpini oblystyń batysy, soltústigi men shyǵysynda 15–20 m/s-qa deıin jetedi. Kúndiz aýa temperatýrasy 38–40 gradýsqa deıin kóterilip, qatty ystyq bolady. Soltústik, ońtústik jáne ortalyq aýdandarda tótenshe órt qaýpi saqtalady.
Pavlodar oblysynda jańbyr, naızaǵaı kútiledi. Batys, ońtústik jáne ortalyq aýdandarda qatty jańbyr jaýyp, burshaq bolýy múmkin. Ońtústik-shyǵystan soǵatyn jel soltústikke aýysady. Kúndiz onyń ekpini batys, ońtústik jáne ortalyq aýdandarda 15–20 m/s-qa deıin kúsheıedi. Oblystyń ońtústigi men shyǵysynda joǵary, al ortalyǵynda tótenshe órt qaýpi saqtalady.
Soltústik Qazaqstan oblysynyń soltústigi, shyǵysy men ońtústiginde jańbyr, naızaǵaı, burshaq, kúndiz shkval kútiledi. Túnde jáne tańerteń oblystyń batysy men soltústiginde tuman túsedi. Soltústik-batystan soǵatyn jel kúndiz soltústik, shyǵys jáne ońtústik aýdandarda 15–20 m/s-qa deıin kúsheıedi. Batys pen shyǵys aýdandarda joǵary órt qaýpi saqtalady.
Ulytaý oblysynyń soltústigi men shyǵysynda túnde jáne tańerteń jańbyr jaýyp, naızaǵaı bolady. Soltústik-batystan, soltústikten soǵatyn jeldiń ekpini tańerteń jáne kúndiz soltústik pen shyǵysta 15–20 m/s-qa deıin jetedi. Oblysta tótenshe órt qaýpi saqtalady.
Qysqasha: 20 tamyzda Qazaqstannyń birqatar óńirinde naızaǵaı, qatty jańbyr, burshaq, shkval jáne sekýndyna 15–25 metrge deıin jetetin qatty jel kútiledi. Sonymen qatar batys jáne ońtústik óńirlerde aýa temperatýrasy 35–40 gradýsqa deıin kóterilip, órt qaýpi joǵary deńgeıde saqtalady.
