Burshaq, shańdy daýyl, jaýyn- Senbige arnalǵan aýa raıy boljamy
ASTANA. QazAqparat - «Qazgıdromet» RMK 23 mamyrǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstannyń basym bóliginde qubylmaly aýa raıy saqtalady. Keı jerlerde jańbyrmen birge naızaǵaı bolady, daýyl, jeldiń kúsheıýi kútiledi, burshaq bolýy múmkin, ońtústikte - shańdy daýyl bolady.
Tek respýblıkamyzdyń batysynda jaýyn-shashynsyz bolady.
Soltústik Qazaqstan, Aqmola, Shyǵys Qazaqstan, Jambyl oblystarynyń keı jerlerinde jeldiń jyldamdyǵy 15-20, kúndiz ekpini 25 m/s kúsheıedi, keı jerlerinde daýyl, burshaq bolýy múmkin, túnde jáne tańerten jekelegen aýdanynda tuman kútiledi.
Qostanaı, Qaraǵandy, Pavlodar, Qyzylorda oblystarynyń keı jerlerinde jel 15-20 m/s kúsheıip, burshaq jaýýy múmkin.
Ońtústik Qazaqstan oblysynyń keı jerlerinde tańerteń jáne kúndiz shańdy daýyl, daýyl bolyp, jeldiń kúsheıýi 15-20 m/s kútiledi.
Almaty, Jambyl oblystarynda, Mańǵystaý, Shyǵys Qazaqstan oblystarynyń keı jerlerinde qatty bolady.
Mańǵystaý oblysynyń basym bóliginde, Atyraý, Aqtóbe, Qyzylorda, Ońtústik Qazaqstan, Jambyl , Shyǵys Qazaqstan oblystarynyń keı jerlerinde óte joǵary órt qaýpi kútiledi.
