Burshaq, naızaǵaı, aptap ystyq: 17 óńir men Astanada kún raıyna baılanysty eskertý jarııalandy
ASTANA. KAZINFORM — 22 maýsymda Qazgıdromet eldiń 17 oblysy men Astana qalasynda daýyldy eskertý jarııalady.
Sınoptıkterdiń boljamynsha, eldiń basym bóliginde naızaǵaı, burshaq, daýyldy jel, aptap ystyq jáne órt qaýpi saqtalady.
Astanada kúndiz aýa temperatýrasy 35–36 gradýsqa deıin kóteriledi.
Elimizdiń shyǵys, ortalyq jáne ońtústik óńirlerinde aýa temperatýrasy kóterile túsedi. Abaı, Aqmola, Shyǵys Qazaqstan, Jetisý, Qaraǵandy, Pavlodar jáne Ulytaý oblystarynda kún 35–41 gradýsqa deıin ysıdy.
Eń joǵary temperatýra Qyzylorda men Qyzylorda oblysynda tirkelýi múmkin. Munda aptap ystyq 40–42 gradýsqa jetedi.
Sonymen qatar Aqtóbe, Atyraý, Batys Qazaqstan, Qostanaı, Soltústik Qazaqstan jáne Mańǵystaý oblystarynda jańbyr jaýyp, naızaǵaı oınaıdy. Keı jerlerde burshaq túsip, ekpindi jel soǵady.
Almaty, Jambyl, Jetisý jáne Túrkistan oblystarynyń taýly aımaqtarynda ótkinshi jańbyr men naızaǵaı kútiledi.
Sınoptıkterdiń málimetinshe, birqatar óńirde joǵary jáne tótenshe órt qaýpi saqtalady.
Eske sala keteıik, osyǵan deıin Qostanaı oblysynyń qaı jerinde demalýǵa bolatyny týraly materıal jarııaladyq.
