Burshaq, naızaǵaı, aptap: Birneshe óńirde eskertý jarııalandy
NUR-SULTAN. QazAqparat – Aýa raıynyń buzylýyna baılanysty sınoptıkter Qazaqstannyń birqatar óńirinde eskertý jarııalady, dep habarlaıdy QazAqparat Qazgıdrometke silteme jasap.
1 tamyz kúndiz Shyǵys Qazaqstan oblysynyń keı jerlerinde 36°S aptap ystyq kútiledi.
1 tamyzda Qyzylorda oblysynda ońtústik-batystan jáne batystan soqqan jeldiń ekpini túnde keı jerlerde - 15-20 m/s, kúndiz oblystyń basym bóliginde - 15-20m/s, keı jerlerde 25 m/s jetedi. Tańerteń jáne kúndiz keı jerlerde naızaǵaı oınap, daýyl turady. Kúndiz 42 gradýs aptap ystyq bolady.
1 tamyzda Qostanaı oblysynyń keı jerlerinde naızaǵaı jarqyldap, burshaq jaýady. Ońtústik-shyǵystan soqqan jel batysqa aýysady. Jel qarqyny túnde keı jerlerde - 15-20 m/s, kúndiz - 15-20 m/s, ekpini - 23 m/s deıin kúsheıedi.
Qostanaı qalasynda tańerteń jáne kúndiz kún kúrkireıdi. Ońtústik-shyǵystan soqqan jel batysqa aýysady. Jel ekpini - 15-20 m/s.
