Burshaq, daýyl, kúshti jel: Sınoptıkterdiń 14 maýsym kúngi aýa raıy
ASTANA. QazAqparat - Atmosferalyq fronttardyń ótýine baılanysty Qazaqstan aýmaǵynda qubylmaly aýa raıy saqtalady. Tek ońtústik-batysta jaýyn-shashynsyz kún raıy kútiledi. Keı jerlerde naızaǵaı oınap, jańbyr jaýady, jel kúsheıip, daýyl soǵady, burshaq jaýýy múmkin, ońtústikte shańdy daýyl bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynyń keı jerlerinde naızaǵaı oınap, daýyl turady, burshaq jaýýy múmkin. Túnde keı jerlerde jáne kúndiz basym bóliginde 15-20 m/s kúshpen jel soǵady, ekpini 23-28 m/s jetýi yqtımal.
Jambyl oblysynyń keı jerlerinde naızaǵaı oınap, daýyl bolady, burshaq jaýýy múmkin. Jeldiń jyldamdyǵy 23 m/s kúsheıedi.
Ońtústik Qazaqstan, Pavlodar oblystarynyń jekelegen jerlerinde naızaǵaı oınap, daýyl turady, burshaq jaýýy múmkin, jel 15-20 m/s kúsheıedi. Ońtústik Qazaqstan oblysynnda sondaı-aq shańdy daýyl kútiledi.
Aqmola, Shyǵys Qazaqstan oblystarynyń jekelegen aýmaqtarynda naızaǵaı oınaıdy, kúndiz jeldiń ekpini 15-20 m/s kúsheıedi. Kúndiz Shyǵys Qazaqstan oblysynda burshaq jaýýy yqtımal.
Kúndiz Qyzylorda, Qostanaı oblystarynyń keı jerlerinde jel 15-20 m/s kúsheıip, kúndiz Qostanaı oblysynda naızaǵaı kútiledi.
Sondaı-aq sınoptıkterdiń habarlaýynsha, Mańǵystaý oblysynyń basym bóliginde, Atyraý, Qyzylorda, Ońtústik Qazaqstan oblystarynyń keı jerlerinde óte joǵary órt qaýpi saqtalady.
