Burshaq, daýyl, ekpindi jel – Sársenbige aýa raıy boljamy
NUR-SULTAN. QazAqparat - 15 mamyr kúni atmosferalyq fronttardyń ótýine baılanysty, keı jerlerde jaýyn-shashyn kútiledi. Ońtústik-shyǵysta qatty jańbyr jaýady, soltústikte jene ontústik-shyǵysta aýa raıy jaýyn-shashynsyz bolady. Respýblıkanyń keı jerlerinde jel kúsheıip, naızaǵaı kútiledi, burshaq jaýýy múmkin, daýyl soǵady. Ońtústikte - shańdy daýyl, soltústikte jáne soltústik-batysta tuman boljanady, dep habarlaıdy QazAqparat.
«Qazgıdromet» RMK málimetinshe, Qaraǵandy oblysynyń keı jerlerinde daýyl kútiledi, burshaq jaýýy múmkin, jeldiń ekpini 23-28 m/s artady. Aqtóbe oblysynyń keı jerlerinde kúndiz daýyl bolady, burshaq jaýýy yqtımal, jel 15-20 m/s kúsheıedi.
Qostanaı oblysynda túnde jáne tańerteń keı jerlerinde tuman boljanady, túnde jel kúsheıedi, kúndiz onyń ekpini 15-20 m/s artady.
Shyǵys Qazaqstan oblysynyń keı jerlerinde kúndiz daýyl kútiledi, burshaq jaýýy múmkin, jeldiń kúshi 15-20 m/s jetedi.
Pavlodar, Jambyl, Túrkistan, Mańǵystaý, Batys Qazaqstan, túnde Almaty, kúndiz Qyzylorda oblystarynyń keı jerlerinde jel 15-20 m/s kúsheıedi. Qyzylorda oblysynda shańdy daýyl turady. Mańǵystaý oblysynda daýyl, Batys Qazaqstan oblysynda burshaq jaýýy múmkin.
Aqmola, Soltústik Qazaqstan oblystarynyń keı jerlerinde tuman kútiledi, Aqmola oblysynda jel 15-20 m/s kúsheıedi.
Atyraý oblysynyń keı jerlerinde burshaq jaýýy múmkin.
Qyzylorda oblysynda óte joǵary órt qaýpi kútiledi.
