Burshaq, daýyl, tuman: 8 mamyrǵa aýa raıy boljamy
ASTANA. KAZINFORM — Qazgıdromet 8 mamyr kúngi aýa raıy boljamyn jarııalady.
Sınoptıkterdiń málimetinshe, soltústik-batys tsıklony jáne onymen baılanysty atmosferalyq frontaldy bólimder áserinen, Qazaqstannyń barlyq aýmaǵynda naızaǵaı oınap, jańbyr jaýady.
Elimizdiń batysynda, soltústiginde qatty jańbyr, burshaq jaýyp, daýyl turyp, túnde jáne tańerteń tuman bolady. Tek QR ońtústik-shyǵysynda jaýyn-shashynsyz aýa raıy saqtalady. Respýblıka boıynsha jel kúsheıedi. Eldiń ońtústiginde, ońtústik-shyǵysynda shańdy daýyl bolady.
Qyzylorda, Qaraǵandy, Pavlodar oblystarynda, Ulytaý, Abaı, Jetisý oblystarynyń soltústiginde, Túrkistan oblysynyń, ońtústiginde, ortalyǵynda joǵary órt qaýpi kútiledi. Mundaı aýa raıy Jambyl oblysynyń soltústiginde, batysynda, shyǵysynda, ortalyǵynda, Almaty oblysynyń soltústiginde, ortalyǵynda, Aqtóbe oblysynyń ońtústiginde de boljanǵan. Aqmola oblysynyń ońtústik-shyǵysynda, Soltústik Qazaqstan oblysynyń batysynda, Shyǵys Qazaqstan oblysynyń batysynda, soltústik-batysynda da joǵary órt qaýpi kútiledi.
Jetisý oblysynyń ońtústik-shyǵysynda, ońtústiginde tótenshe órt qaýpi saqtalady.
Buǵan deıin «Qazgıdromet» RMK elimizdegi aýa sapasyna qatysty boljamyn jarııalady.
