ShQO-da fototuzaqqa sırek kezdesetin qar barysy túsip qaldy
ASTANA. KAZINFORM – Altaıdyń Búrkitaýy aýmaǵyndaǵy fototuzaqqa Qyzyl kitapqa engen, sırek kezdesetin ańdardyń biri - qar barysy túsip qaldy.
Altaıdyń ǵajaıyp tabıǵatyna qatysty taǵy bir qýanyshty jańalyq tarady. Búrkitaýy aýmaǵyndaǵy fototuzaqqa Qyzyl kitapqa engen, sırek kezdesetin qar barysy túsip qaldy.
- Bul erekshe sát Katonqaraǵaı ulttyq parkiniń Altaı ormanshylyǵy aýmaǵynda, Búrkitaýy mekeninde tirkeldi. Fototuzaqty ornatqan – mekeme qyzmetkerleri E.Qasymov pen A. Shakenov.
Tabıǵatty qorǵaýǵa janashyrlyqpen qaraıtyn osyndaı mamandardyń eńbeginiń arqasynda elimizdiń baı bıoalýandyǵy taǵy bir márte dáleldenip otyr, - dep jazdy Orman sharýashylyǵy jáne janýarlar dúnıesi komıtetinen.
Sonymen qatar Katonqaraǵaı ulttyq tabıǵı parkiniń Arshaty ormanshylyǵynda da qar barysy fototuzaqqa tirkeldi. Fototuzaqty ormanshy Jomart Amanbaev ornatqan. Nátıjesinde Qyzyl kitapqa engen qar barysy (Panthera uncia) túsirilgen biregeı kadrlar alyndy.
Jabaıy janýarlardy baqylaý jumystary jalǵasýda.
Aıta keteıik, keshe Sharyn memlekettik ulttyq tabıǵı parki aýmaǵynda elikter fototuzaqqa túsip qaldy.